ITALI -Një 45-vjeçar kosovar i identitet i të cilit ende nuk bëhet i ditur është goditur me thikë për vdekje në Itali ndërsa 9 persona mbetën të plagosur, tre prej të cilëve ndodhen në gjendje shumë të rëndë shëndetësorë. Ky është bilanci i sherrit që shpërtheu mbrëmë në rrugë mes bandave rivale në zonën e Fierës në Treviso.
Rreth 20 persona raportohet deri më tani se kanë qenë të përfshirë në përplasjen e dhunshme. Një sulm i vërtetë dhe i paramenduar mes emigrantëve kosovarë dhe rumunë, të cilët ishin armatosur me thika, hekura, shkopinj, shkruajnë mediat italiane.
Viktima është një 45-vjeçar, emigrant nga Kosova. Ai është goditur me shqelma, grushte dhe është rrahur brutalisht nga disa persona, sulme këto që rezultuan fatale duke i marrë atij jetën. Në vendngjarje u gjetën shkopinj të përgjakur dhe këllëfi i një thike.
S.C/ReportTv.al
