Një 47-vjeçar shqiptar është qëlluar me armë zjarri në Santerno të Italisë dhe për pasojë ka mbetur i plagosur.
Sipas mediave italiane, ngjarja ka ndodhur jashtë ambienteve të një lokali, pas një debati me autorin. Ndërkohë shqiptari i është nënshtruar një operacioni dhe për momentin raportohet se ndodhet jashtë rrezikut për jetën.
Ngjarja dyshohet se mund të ketë ndodhur për larje hesapesh, ndërsa raportohet se nuk ka pasur asnjë dëshmitar në momentin kur ka ndodhur konflikti.
Në lidhje me ngjarjen janë shoqëruar disa persona, ndërsa mediat bëjnë të ditur se i plagosuri ka disa dosje në polici.
Ngjarja ka ndodhur në orët e vona të së premtes, ndërsa autoritetet kanë nisur punën për identifikimin dhe më pas kapjen e autorit të dyshuar.
S.S/ReportTv.al
Komento
