Këngëtari Altin Shira mbushet në lot teksa flet për bashkëshorten dhe fëmijët.
I ftuar në “S’e Luan Topi”, surpriza e bashkëshortes e kapi në befasi artistin, saqë ka nisur të tregoi se si u njohën dhe për familjen që formuan.
Sa vjeç ke qenë kur je dashuruar me bashkëshorten që ke sot?
Altin Shira: 22-vjeç. Edhe ajo është po në të njëjtën moshë me mua 22.
Sa të rinj.
Altin Shira: Të rinj, por kur ta bën zemra bam…
Po si ta bëri zemra ‘bam’, na i trego içik si u njohët.
Altin Shira: Të them të drejtën, kur unë isha ushtar prindrit e mi ndërruan shtëpi. Kur mbarova ushtrinë, sepse atëherë nuk na jepnin leje, shkoj në lagjen e vjetër për të takuar shokët me të cilët isha rritur dhe më pas nisem për tek shtëpia e re.
Shikoj, nuk njihja njeri aty. Eksplorova pak, nja 6-muaj vija vërdallë, rrija aty dhe shikoj Edën. Ajo ishte fqinje dhe thash ‘ahh moj komshije’.
Po pse, kot janë bërë këngë për komshijet. Po hë, ishte dashuri me shikim të parë.
Altin Shira: Po po patjetër.
Po për Edën? Ishte dashuri me shikim të parë apo u desh pak kohë që t’ia fitoje zemrën?
Altin Shira: Jo, u desh pak kohë që t’i fitoja zemrën.
Po si ja fitove?
Altin Shira: Po rrija poshtë pallatit aty, prapë poshtë dritares unë.
Ti këndoje?
Altin Shira: Vazhdoja unë, aty me orë të tëra. Kur e mora vesh më mbrapa, Eda dëgjonte Michael Jackson, as nuk i pëlqente këngët e mija fare.
Po, pse çfarë i këndoje asaj?
Altin Shira: Unë në atë kohë këndoja këngë korçare, serenata. Por me kitarë ato shkonin bukur.
Serenata korçare, hajde hajde…
Altin Shira: Po ajo korçare është.
Po kur me zërin tënd dhe këngët e tua nuk ra në dashuri, si ja fitove zemrën atëhere? Apo ishte djal serioz?
Altin Shira: Jo. Si çdo familje shqiptare që ka ato traditat, rregullat e veta. Unë vërtet e shikoja dhe më pëlqente Eda, por punët i bëra me familjen.
Pra i bëre gjërat serioze me familjen? Kërkove dorën?
Altin Shira: Po, fola me prindrit dhe u thash që më pëlqen kjo vajza, e kemi komshie këtu afër. Më thanë ‘ouu, sa shpejt e gjete’.
Altin Shira: Jam në rregull sepse as nuk qava, as…
Po pse po të qash, çfarë? Ku ka më bukur sesa një burr që qanë për gruan?
Altin Shira: Në një intervistë që kam dhënë diku tjetër, më ngacmojnë disa shokët e mi. Aty doli Eda për të më përshëndetur dhe të them të drejtën u preka. Mu mbushën sytë me lot. Sa kam hapur telefonin, filluan të më ngacmonin shokët: ‘Po ça burri je? Po ku qan burri për gruan?” Por është më se normale që çdo njeri të emocionohet si për fëmijët, edhe për gruan sepse tek e fundit familja është shpirti dhe zemra e çdo njeriu.
Ndihesh me fat besoj që e ke për krah?
Altin Shira: Shumë me fat, kam një familje të mrekullueshme.
SI.E./ReportTv.al