Ish-Kryeprokurorja e Tiranës, Elisabeta Imeraj, deklaroi sot në Repolitix se dosja e famshme e lobimit rus në PD duhet të hetohej deri në fund, ashtu sikurse edhe ajo e Rrugës së Kombit. Imeraj e lidhi kërkesën e saj për hetim të plotë sulmet e Bashës ndaj saj.
“Unë nuk e njoh absolutisht Bashën, asnjë lloj Bashe që lidhet me politikën. Unë kam funksionuar që hetimet duhen çuar deri në fund edhe për çështjen e famshme të lobimit rus. Edhe Rruga e Kombit duhet të ishte hetuar dhe pse duhet të kishte përfunduar me procedurë. Për çështjen e hetimeve për lobimin rus 3 prokurorët kishin 3 mendime të ndryshme. Njëri prokuror ishte që duhej pushuar, tjetri thoshte që duhet pushuar por në pritje të letërporosisë, ndërsa tjetri që duhej vazhduar”, tha ajo.
Lajmi kryesor:
U shkarkua nga Vettingu/ Elisabeta Imeraj në Repolitix: Procesi, i stisur! Basha me sulmoi? Dosja e tij për lobimin rus e pa hetuar deri në fund
K.T.//ReportTv.al