Gjykata e Lartë e Iranit ka anuluar dënimin me vdekje për tre të pandehurit që dyshoheshin se kanë luajtur rol në vrasjen e një oficeri të sigurisë, ka konfirmuar dënimin me vdekje për dy të tjerë.
Njoftimi është bërë publik nga Amir Hashemi, drejtor i marrëdhënieve me publikun në Gjykatën e Lartë, i cili tha se Hamid Qarahasanlou, Hossein Mohammadi dhe Reza Aria nuk do dënohen me vdekje, ndërsa ankesat e Mohammad Mahdi Karmi dhe Seyed Mohammad Hosseini u hodhën poshtë, duke konfirmuar dënimin e tyre me vdekje.
Dënimet me vdekje vinë si pasojë e protestave anti-qeveritare dhe përpjekjes për të vrarë një anëtar të forcës paraushtarake Basij. Autoritetet kanë akuzuar gjithsej 16 protestues. Të gjithë të akuzuarit mohojnë akuzat, duke e akuzuar qeverinë se e dinin përfundimin e tyre pasi ishin në shënjestër që kur protestuan për Mahsa Aminin, e cila kundërshtoi rregullat e Policisë së Moralit për mbajtjen e hixhabit si pjesë e kodit islamik.
Protestat në Iran kanë muaj që po zhvillohen pavarësisht shtypjes brutale nga shteti, që për pasojë janë vrarë qindra demonstrues dhe mijëra të tjerë janë arrestuar.
Ato janë shndërruar në pakënaqësinë më të gjatë publike ndaj regjimit klerik të shtetit, që nga Revolucioni Islamik i vitit 1979.
F.D/ReportTv.al