Disa dhjetëra protestues libanezë sulmuan bankat në një lagje të Bejrutit të enjten, ndërsa bllokuan rrugët duke protestuar kundër kufizimeve informale për tërheqjen e parave në fuqi prej vitesh dhe përkeqësimit të shpejtë të kushteve ekonomike.
Të paktën gjashtë banka ishin shënjestruar pasi paundi libanez arriti një rekord të ri të enjten. Një bankë u dogj ndërsa zjarrfikësit hodhën ujë edhe drejt protestuesve, ndërsa forcat speciale ishin aty.
Që nga viti 2019, bankat libaneze kanë vendosur kufizime për tërheqjet në dollarë amerikanë dhe paund libanezë, të cilat nuk janë zyrtarizuar kurrë me ligj, duke i bërë depozituesit të kërkojnë akses në fondet e tyre përmes padive dhe shpesh me forcë.
Paundi libanez ka humbur më shumë se 98% të vlerës së tij që nga shpërbërja e sektorit financiar të vendit në vitin 2019.
Banka qendrore e vendit, e cila ka luftuar për të menaxhuar krizën, nuk iu përgjigj një kërkese për koment se pse ishte rrëzuar paundi dhe çfarë po bënte për të adresuar këtë çështje. Zyra e kryeministrit të Libanit tha se puna po vazhdon për të korrigjuar kushtet financiare në vend.
Libani bëri një hap të parë drejt sigurimit të një pakete shpëtimi nga Fondi Monetar Ndërkombëtar në prill 2022, por, gati një vit më vonë, nuk ka arritur të kryejë reformat e nevojshme për ta finalizuar atë.
K.T./ReportTv.al