Një ditë pas protestës së banorëve në Manzë të Durrësit, për zaptimin e varrezës publike, ka reaguar kampi ASHRAF 3, ku janë të vendosur anëtarët e MEK-ut.
"Kjo është një akuzë false dhe ky tubim i vogël u provokua dhe u organizua nga disa elementë që punojnë për regjimin iranian", thuhet në reagimin për mediat.
Sipas përfaqësuesit të muxhahedinëve, bashkëjetesa mes tyre dhe banorëve të Manzës është mjaft e miqësore, por disa elemente të caktuar ën fshat po keqpërdoren nga regjimi iranian.
"Kjo nënkupton kërcënim të sigurisë për njerëzit e që jetojnë në Ashraf 3", thuhet më tej.
Kujtojmë se një grup protestuesit u mblodhën përpara varrezës publike në Manzë, duke akuzuar se një pjesë e tokës po i jepet për përdorim muxhahedinëve. Ata kundërshtojnë pasi thonë se kjo hapësirë duhet të jetë vetëm në dispozicion të banorëve autokton dhe jo atyre të ardhur nga Irani.
