Në mbështetje të banorëve në protestën e sotme në anë të autostradës Lushnjë-Fier ka qenë edhe deputetja e Partisë Demokratike, Ilda Dhori.
Ajo kërkon nga Qeveria të gjejë një zgjidhje sa më të shpejtë të situatës.
“Protesta e sotme ishte inxitur nga indinjata e drejte e banorëve të këtyre zonave që çdo ditë lidhen me qytetin e Lushnjes, dhe e kanë kontaktin me Lushnjën jetike për veprimtarinë e tyre shëndetësore dhe ekonomike. Isha e ftuar si qytetare e zonës. Për mua mbyllja e papritur, e palajmëruar, dhe pa i dhënë një zgjidhje qytetarëve është e padrejtë. Më parë duhej bërë mbikalimin dhe duke i dhënë zgjidhje qytetarëve, duke lehtësuar faturat dhe jo duke i rënduar. Zgjidhja duhet të ishte bërë mbikalimi, të sigurohej lidhja me qytetin e Lushnjës. Është e vërtetë që ka qenë burim aksidenti, mbyllja duhet të ishte shoqëruar me gjetjen e një zgjidhje që e kanë jetike lidhjen me qytetin e Lushnjes. Faturimi mbi 30km shtesë, knë kushtet e një karburanti të shtrenjtuar, nuk është gje tjetër veçse rritje e fatures së banorëve”, deklaroi Dhori.
Lajmi kryesor:
VIDEO/ Banorët kundër barrierave metalike në anë të autostradës Lushnje-Fier, dalin në protestë! 'Reflektojnë' autoritetet, rikthehet situata siç ishte
K.T.//ReportTv.al