Komiteti Mysliman i Shqipërisë ka mbështetur protestën e zhvilluar ditën e sotme në kryeqytet kundër abuzimit seksual ndaj të miturës në Rrëshen.
Në një shënim në mediat sociale, kreu i KMSH, Bujar Spahiu, thekson se është i papranueshëm çdo rast abuzimi ndaj gruas, gjysmës më të mirë të shoqërisë.
Spahiu thotë se raste të tilla duhen dënuar pa mëdyshjen më të vogël nga secili prej nesh dhe se e kemi detyrim të reagojmë ndaj së keqes në çdo formë që ajo shfaqet
‘Është i papranueshëm çdo rast abuzimi ndaj gruas, gjysmës më të mirë të shoqërisë njerëzore. Rasti më i fundit i abuzimit me të miturën në Mirditë është tronditës.
Përveç reagimit të organeve kompetente, që duhet të jetë reagim i shpejtë dhe shembullor , i atillë duhet të jetë edhe reagimi i mbarë shoqërisë.
Raste të tilla duhen dënuar pa mëdyshjen më të vogël nga secili prej nesh, e kemi detyrim të reagojmë ndaj së keqes në çdo formë që ajo shfaqet.’- tha Spahiu.
Lajmi kryesor:
‘Mos ma vrit fëmijërinë’, marshim në shenjë proteste kundër abuzimit seksual në Tiranë! Një qytetare shpreh revoltën nudo (VIDEO+FOTO)
M.Q./ReportTv.al