Sipas Reuters, Bashkimi Europian mund t’i ofrojnë ndihma të mëdha financiare Bjellorusisë në këmbim të mbajtjes së zgjedhjeve të reja, demokratike dhe të ndershme.
Propozimi ka ardhur nga presidentët e Lituanisë, Polonisë dhe Rumanisë, të cilët kanë gati një projekt/paketë ndihme që do ta parashtrojnë gjatë kësaj jave në samitin e vendeve anëtare.
Paketa parashikon 1 miliard euro ndihmë për rindërtimin e vendit nën modelin e planit Marshall.
Liderët e tre vendeve europiane kanë propozuar gjithashtu një marrëveshje tregtare BE-Bjellorusi të favorshme për Minskun, lëvizjen e lirë drejt vendeve europiane për qytetarët bjellorusë dhe mbështetje për negociatat për pranimin e Bjellorusisë në Organizatën Botërore të Tregtisë.
Para pak ditësh, liderja në arrati e opozitës Sveltana Tsikanovskaja kërkoi nga BE, mbështetje për të rrëzuar regjimin e Lukashenkos në pushtet prej 26 vitesh.
Ndërkohë Aleksandër Lukashenko, i cili bashkë me 30 zyrtarë është vënë në shenjestër të sanksioneve të Bashkimit Europian, që e konsideron atë president jo legjitim të Bjellorusisë, pasi po mban pushtetin me vota të manipuluara, akuzoi sot Perëndimin se po përpiqet për të shkatërruar vendin.
Ai u shpreh se SHBA dhe satelitët e tyre, si Polonia, Lituania, Republika Çeke dhe Ukraina po bëjnë përpjekje bashkë me opozitën për të organizuar revolucion
