TIRANË- Kolegji i Posaçëm i Apelimit (KPA) ka lënë përfundimisht jashtë sistemit të drejtësisë gjyqtarin Jak Ndoka. Vendimi është marrë ditën e sotme nga trupa gjykuese e përbërë nga Albana Shtylla kryesuese, Mimoza Tasi relatore, Ina Rama, Natasha Mulaj, Sokol Çomo. Nga hetimet rezultoi se Jak Ndoka ka pasur probleme me pasurinë.
Komisioni ngriti dyshime se gjyqtari i Lezhës, Jak Ndoka ka deformuar të vërtetën nëpërmjet disa transaksioneve në shitjen e një apartamenti të vjetër në Lezhë me qëllim justifikimin e burimeve financiare për blerjen e disa pasurive të tjera në këtë rreth.
E dyshimtë u cilësua edhe bashkëpronësia e vëllait në një apartament në Tiranë që përdoret vetëm prej subjektit, si dhe u konstatua pamundësi financiare në krijimin e pasurive.
B.K./ReportTv.al