Shqipëria, sipas ministrit të Jashtëm në detyrë Gent Cakaj, ka dyfishin zyrtarëve dhe të familjarëve të tyre të pajisur me pasaporta diplomatike, krahasuar me vendet e fuqishme evropiane. Një pjesë e pasaportave diplomatike janë marrë dhe mbahen në mënyrë abuzive, ashtu si mbajnë dhe përdorin targat CD konsujt e nderit. Në këto kushte, Cakaj ka paralajmëruar një tjetër lëvizje, për t’u hequr të paktën 350 zyrtarëve pasaportat diplomatike. Ministri ka deklaruar gjithashtu se do të kërkojë edhe ndryshimin e VKM për pajisjen e zyrtarëve me pasaporta diplomatike, për të kufizuar numrin e tyre. Po cilët zyrtarë kanë të drejtë të pajisjen me pasaporta diplomatike dhe në bazë të cilit vendim e kanë këtë privilegj? Kategoritë e zyrtarëve dhe familjarët e tyre, të cilët kanë të drejtë të pajisen me pasaporta diplomatike janë përcaktuar për herë të parë me vendim Nr. 335, datë 2.9.1997, nënshkruar nga ish-kryeministri Fatos Nano. Nga viti 1997 deri në vitin 2009 vendimi ka ndryshuar plot 18 herë. Për herë të fundit, ky vendim ka ndryshuar në 12.08.2009, kur kryeministër ishte Sali Berisha.
Ndryshimet e herëpashershme janë bërë për të shtuar kategori të reja zyrtarësh dhe familjarët e tyre në listën e të privilegjuarve, që mund të pajiseshin me pasaporta diplomatike. Shqiptarja.com publikon kategoritë e plota të zyrtarëve dhe familjarëve të tyre që kanë të drejtë sot të pajisen me pasaporta diplomatike. Përpos zyrtarëve më të lartë të shtetit, siç janë Presidenti, kryetari i Kuvendit, kryeministri etj., sipas vendimit, të drejtën për t’u pajisur me pasaportë diplomatike e kanë edhe ndihmësi dhe zëdhënësi i Presidentit. Këtë privilegj e kanë edhe krerët e të gjitha partive parlamentare, shefat e kabinetit, sekretarët e përgjithshëm, anëtarët e personelit diplomatik si dhe oficerët që shoqërojnë jashtë vendit Presidentin, Kryetarin e Kuvendit, kryeministrin, ministrat, kryeprokurorin dhe kreun e KLSH. Vendimi përfshin edhe anëtarët e KQZ, të Komisionit të Shërbimit Civil, të Gjykatës Kushtetuese, të Gjykatës së Lartë, Kancelarin në Gjykatën e Lartë dhe zëvendësministrat.
Familjarët
Kanë të drejtë për t’u pajisur me pasaporta diplomatike bashkëshortet, djemtë deri në 18 vjeç dhe vajzat e pamartuara që bashkëjetojnë me Presidentin, kryetarin e Kuvendit, kryeministrin dhe anëtarët e personelit diplomatik. Gjithashtu përfshihen bashkëshortet e e ministrave, e nënkryetarëve të Kuvendit, e kryetarit të Gjykatës Kushtetuese, kryetarit të Gjykatës së Lartë, e Prokurorit të Përgjithshëm, kryetarit të KLSH, Avokatit të Popullit, e Avokatit të Shtetit etj. Kanë të drejtë të pajisjen me pasaportë diplomatike të gjithë ish-presidentët, ish-kryetarët e Kuvendit, ish-kryeministrat, ish-zëvendëskryeministrat dhe ish-ministrat e Jashtëm. Ndërkaq, ministrat e tjerë, mund të pasjen për një periudhë 5-vjeçare, pas largimit nga detyra.
Dorëzimi i pasaportës diplomatike
Vendimi i qeverisë, i ndryshuar 18 herë, parashikon që në rast se mbajtësi i pasaportës diplomatike apo të shërbimit shkarkohet nga detyra, largohet nga puna apo emërohet në një detyrë tjetër, ai është i detyruar të dorëzojë pasaportën diplomatike ose të shërbimit. Në rast mosdorëzimi të pasaportës diplomatike ose të shërbimit, Drejtoria Juridike e Konsullore e Ministrisë së Punëve të Jashtme njofton të gjitha përfaqësitë e huaja të akredituara në Tiranë për pavlefshmërinë e pasaportës së padorëzuar. Drejtoria Juridike e Konsullore, gjithashtu, njofton edhe Ministrinë e Brendshme, e cila urdhëron të gjitha pikat e kalimit kufitar për moslejimin e daljes jashtë shtetit të mbajtësit të kësaj pasaporte, si dhe bllokimin e pasaportës.
Kategoritë e zyrtarëve të pajisur me pasaporta diplomatike
Presidenti
Ndihmësi i Presidentit
Zëdhënësi i Presidentit
Drejtori i Drejtorisë së Protokollit të Presidencës
Kryetari dhe zv/kryetarët Kuvendit
Kryeministri, zv/kryeministri dhe ministrat
Ish-presidentët
Ish-kryetarët e Kuvendit
Ish-kryeministrat
Ish-zëvendëskryeministrat
lsh-ministrat e Jashtëm
Ish-ministrat për një periudhë 5-vjeçare
Deputetët
Sekretari i Përgjithshëm i Presidencës dhe Kryeministrisë
Kreu i KLSH
Anëtarët e Gjykatës së Lartë
Prokurori i Përgjithshëm
Guvernatori i Bankës së Shqipërisë;
Anëtarët e Gjykatës Kushtetuese
Bashkëshortet, djemtë deri në 18 vjeç dhe vajzat e pamartuara që bashkëjetojnë me Presidentin, kryetarin e Kuvendit, kryeministrin dhe anëtarët e personelit diplomatik;
Bashkëshortet e ministrave
Bashkëshortet e nënkryetarëve të Kuvendit
Bashkëshortja e kryetarit të Gjykatës Kushtetuese
Bashkëshortja e kryetarit të Gjykatës së Lartë
Bashkëshortja e prokurorit të përgjithshëm
Bashkëshortja e kryetarit të KLSH
Bashkëshortja e sekretarit të përgjithshëm në Presidencë
Kreu i SHISH
Shefi i Shtabit të Përgjithshëm të Ushtrisë
Krerët e partive politike në Kuvend
Anëtarët e personelit diplomatik e konsullor
Funksionarët e karrierës diplomatike e konsullore
Funksionarët ndërkombëtarë që kanë shtetësi shqiptare.
Kryetari i Akademisë së Shkencave;
Shefat e kabinetit dhe këshilltarëve të Presidentit, të Kryetarit të Kuvendit dhe të kryeministrit
Shefave të kabinetit të ministrave
Drejtorit të Drejtorisë së Shërbimeve Qeveritare
Oficerët që shoqërojnë jashtë vendit Presidentin, Kryetarin e Kuvendit, kryeministrin dhe ministrat
Kryetari i Grupit Mbikëqyrës për kontrollin e shoqërive huamarrësve
Sekretari i Përgjithshëm i Kuvendit;
Kancelari në Gjykatën e Lartë;
Zëvendësministrat
Ndihmësi i kryeministrit dhe zëvendëskryeministrit
Koordinatorët e Departamentit të Koordinimit në qeveri
Oficerët e shoqërimit të kryeprokurorit dhe të kryetarit të KLSH
Kryetari i Komunitetit Mysliman
Presidenti i Konferencës Ipeshkvore
Kryepeshkopi i Kishës Ortodokse
Kryegjyshi i Kryegjyshatës Botërore Bektashiane
Anëtarët e Komisionit të Shërbimit Civil
Anëtarët e KQZ
Avokati i Popullit
Bashkëshortja e Avokatit të Popullit;
Sekretarët e përgjithshëm
Kancelari i Gjykatës së Lartë
Avokati i Shtetit
Bashkëshorti/bashkëshortja
Anëtarët e KLD, tashmë KLGJ
Kryetari i Komisionit të Autoritetit të Konkurrencës
Kreu i AKPP
Kreu i ILDKPKI
Drejtori i DSIK dhe administrata në DSIK
Komisioneri për mbrojtjen e të dhënave personale
Komente
Kjo pune eshte merita e edi rames qe ka zgjedh nje djal nga kosova a e imagjinoni ku kane shku paret shqiptareve tu ba jete lluksi keto kurva me soj e sorollop
PërgjigjuShiko gjej dhe evidento si harxhohen finacat e ambasadave dhe te taksat e shqiptarve sepse pjesa me e madhe e perfaqesive diplomatike nuk bejne anje pune por vetem piknik me lekete e shqiptarve, shiko sa kthehen ne kufit Schengen shqiptaret qe jane dhe i trajtojne si kafshe dhe jo sa veta kane pasaporte diplomatike, gjetje madhe shume kjo qe beret ju, shiko ku hardhihen leket dhe cfare pune behet ....
PërgjigjuNa tregoni kush ka pasaporte diplomatike ne kundershim me ligjin kjo eshte me rendesi, dhe personat pergjegjes te identifikohen dhe te denohen sipas ligjit qe kane abuzuar me detyren, populli nuk ka interes se kujt i takon pasaporta diplomatike.
PërgjigjuCa thua ti , po normal qe ka interes perderisa i voton
Bravo, futu shqelmin dhe ”pastro” bajgërinë!
PërgjigjuQete dhe macet e tyre kane mbetur pa pasaporte diplomatike jane bere si leter per tu fshire ka mjaft njerez qe nuk duhet te kishin pasaporte diplomatike ne kete liste
PërgjigjuNano xhuxh fundrrina shkatërroi vendin!
PërgjigjuMotrat dashnoret apo te dashurit kane harruar Keta duhen qeruar O Popull dele Cohu Enver se keta qe na le na kthyen ne skllever