Presidenti maqedonas Stevo Pendarovski e mbajti sot fjalimin e fundvitit para deputetëve të parlamentit, ku foli për një sërë çështjesh një prej tyre ishte sfida që kaloi vendi, siç ishte anëtarësimi në NATO në pranverë të këtij viti, përpjekjet për përparimin drejt Bashkimit Evropian dhe problemet që në këtë rrugë i nxori Bullgaria fqinje.
Duke u ndalur tek qasja e përfaqësuesve politikë shqiptarë në vend ndaj çështjes së identitetit maqedonas, Pendarovski tha se tek një pjesë e maqedonasve etnik, prej vitesh ekziston dyshimi nëse politikanët shqiptarë e mbështesin luftën e maqedonasve për afirmim më të gjerë ndërkombëtar.
“E konfirmoj me përgjegjësi, sepse jam në këto rrjedha më tepër se njëzet vjet, se faktori politik shqiptar edhe kur ka qenë në pushtet edhe në opozitë, gjatë gjithë këtyre viteve ka pasur një sjellje dhe mirëkuptim tepër korrekt ndaj përpjekjeve tona për ta ruajtur dhe ngritur identitetin maqedonas. Ky qëndrim, tha presidenti, na ndihmonte të jemi më të fuqishëm në takimet me të gjithë emisarët e huaj sepse e dinim se pa vetes kishim një qëndrim të bashkuar shtetëror. Ndryshe dhe nuk mund të jetë sepse Maqedonia e Veriut është shtëpi e përbashkët për të gjithë ne dhe këtu nuk ka ndarje në qiraxhinj dhe padronë”, u shpreh ai.
Pendsarovski foli me tone kritike për qëndrimet e heshtura të Bashkimit Evropian, ndërsa theksoi nevojën për vazhdimin e reformave dhe të rrugës së vendit të tij drejt këtij unioni.
Komente
BRAVO PENDAROVSKI,,,,,QE i ke vleresuar shqiptaret e maqedonise,,,shqiptarin po e trajtove mire ,,,te trajton si vella,,,nuk mban inate shqiptari...
PërgjigjuEshte president,dhe ben ç'mos per unitetin,fatkeqesisht para ketij kishin edhe ata nje Ilir Meta,tani na ka ngel ne dobiçi ne dere,qe shkel kushtetuten ç'do dite.