Presidenti brazilian Luiz Inácio Lula da Silva tha të dielën se ishte në Pallatin Presidencial Planalto dhe në Gjykatën e Lartë në Brasilia pasi mbështetësit e rivalit të tij Jair Bolsonaro sulmuan ndërtesat qeveritare.
“Puçistët që promovuan shkatërrimin e pronës publike në Brasilia po identifikohen dhe do të ndëshkohen. Nesër rifillojmë punën në Pallatin Planalto. Gjithmonë Demokraci. Natën e mirë”, shkroi Lula da Silva në Facebook.
Më herët, Lula i përshkroi ngjarjet në kryeqytet si "barbare" dhe tha se "mungesa e sigurisë" i kishte lejuar mbështetësit "fashistë" të Bolsonaros të shkelnin barrierat e vendosura nga Forcat e Armatosura jashtë tre degëve të qeverisë.
"Këta njerëz janë gjithçka që është e neveritshme në politikë," tha ai në një konferencë për shtyp.
Të paktën 400 persona janë arrestuar pas trazirave, sipas autoriteteve braziliane.
Lajmi kryesor:
Brazil/ Mbështetësit e Bolsonaros bastisën institucionet, 1200 të arrestuar! Lula: Terrorizëm! Ish-presidenti: E paligjshme! Biden: E dënojmë
S.C/ReportTv.al