Presidenti i Malit të Zi ka patur rezerva ndaj Ballkanit të hapur duke u shprehur se fokusi duhet të jetë drejt anëtarësimit Evropian.
“Të gjitha nismat rajonale, dhe janë mbi 30 të tilla, janë terrene trajnimi ku ne trajnojmë kapacitetet tona për nivelin e konkurrencës që duhet të kemi në tregun evropian. Sigurisht, seancat stërvitore kanë kuptim nëse kemi një trajner evropian, i cili na ndihmon të miratojmë rregullat e sjelljes dhe standardet, duke përfshirë gatishmërinë tonë për të respektuar ato standarde”, tha Gjukanoviç.
Ai tha se Mali i Zi e ka përcaktuar qartë qëllimin e tij – se dëshiron anëtarësimin në BE, jo një alternativë ndaj anëtarësimit.
“Kjo është arsyeja pse ne besuam se dy iniciativat ekzistuese, CEFTA dhe Procesi i Berlinit, janë më se të mjaftueshme, dhe se ato na detyrojnë të miratojmë sistematikisht standardet evropiane, dhe ata kanë një menaxhim evropian që na paralajmëron nëse nuk kemi arritur gjithçka që është e nevojshme diku do të kualifikohej”, tha presidenti malazez.
Gjukanoviç vlerësoi se Mali i Zi ka bërë progres serioz dhe ka shkuar më larg në procesin e anëtarësimit në BE.
G.MO/ReportTv.al“Marrëveshjet e nënshkruara nga ato tre shtete anëtare nuk janë ratifikuar ndërkohë në parlamentet e tyre. Kur është fjala për Malin e Zi, do të duhej të ktheheshim në raport me standardet tashmë të arritura evropiane dhe t’i përshtatemi bashkëpunimit sipas rregullave rajonale të Ballkanit”, tha ai.
