TIRANË- Presidenti i FIFA-së Gianni Infantino ka mbërritur në kryeministri, ku ka zhvilluar një takim me kryeministrin Edi Rama. Takimi ka zgjatur për rreth 1 orë, ndërsa më pas në orën 18:00, Infantino dhe Rama do të jenë në zyrat e FSHF-së.
Vizita e Infantinos në Tiranë, është në kuadër të 90-vjetorit të anëtarësimit të Shqipërisë në FIFA, si dhe inaugurimin e Shtëpisë së Futbollit.
'Shtëpia e Futbollit', kompleksi në të cilin ndodhet edhe selia e FSHF-së, është thuajse drejt përfundimit së bashku me dy mini-stadiumet, që shumë shpejt do të hapin dyert për ekipet kombëtare të Shqipërisë e ofrojnë një infrastrukturë bashkëkohore me të gjitha kushtet që kanë stadiumet më moderne.
Një investim madhor i FIFA-s e që i jep ekipeve kombëtare të moshave një shtëpi dinjitoze ku talentet e reja kanë të gjitha ambientet e nevojshme.
Vijon...
Kryeministri Edi Rama ka zhvilluar një takim me Presidentin e FIFA-s Gianni Infantino, teksa në rrjetet sociale ka publikuar edhe foto.
Në takim ishte dhe legjenda e skuadrës së Interit Youri Djorkaeff
“Me Presidentin e FIFA-s Gianni Infantino, një mik i mirë që na nderon sot me vizitën e skuadrës së tij, ku shkëlqen prania e legjendës së Interit, Youri Djorkaeff”, shkruan Rama.
Komente
Çfar ka ky që i fut hundët në FSHF, pse e ka kriminalizuar edhe futbollin
Përgjigju