Armand Spathara dhe Alfred Lulaj
2 inxhiniera në dy institucione të rëndësishme në qytetin e Beratit kanë humbur sot jetën, si pasojë e virusit të rrezikshëm COVID-19.
Inxhinieri i Spitalit Rajonal Berat, 55-vjeçari Alfred Lulaj dhe inxhinieri i OSHEE-së, 60-vjeçari Armand Spathara e kanë humbur betejën me COVID-19 në orët e para të mëngjesit të së Hënës.
Lulaj dhe Spathara ishin të shtruar prej 2 javësh në Spitalin "Shefqet Ndroqi" në Tiranë, ku ishin të intubuar.
Mësohet se askush prej dy inxhinierëve që humbën jetën nga COVID-19 nuk kishte sëmundje bashkëshoqëruese.
Ata ishin transportuar rreth 2 javë më parë nga Spitali i Beratit drejt spitalin "Shefqet Ndroqi" në Tiranë, në gjendje të rënduar. Pas disa ditësh në intubim, gjendje e tyre është përkeqësuar, ata kanë shfaqur komplikacione dhe kanë ndërruar jetë.
55-vjeçari Alfred Lulaj kishte 10-vjet që punonte si inxhinier në Spitalin Rajonal Berat,ndërkohë që 60-vjeçari Armand Spathara mbante mbi supe një karrierë prej më shumë se 20-vitesh në drejtorinë e OSHEE-së Berat, ku punonte si inxhinier në sekrorin e dispeçerisë. Pas vdekjes së tyre,kanë qënë të shumta mesazhet e ngushëllimit në rrjetet sociale nga miq e kolegë të dy inxhinierëve për familjarët e tyre.
Lajmi kryesor:
COVID-19 në Shqipëri/ Regjistrohen 695 raste të reja dhe 17 viktima në 24 orë! Humb jetën pedagogia në Vlorë e inxhinieri në Berat
//ReportTv.al