Një 33-vjeçar italian dhe 21-vjeçar shqiptar, të ardhur në Itali pak ditë më parë, të dy pa precedentë penalë, u arrestuan në Terni në Italia nga policia, pasi u kapën në flagrancë duke shkëmbyer kokainë.
Policia nisur nga denoncimi i një qytetari, që vuri re një person të dyshimtë duke qëndruar para një makinë dhe duke shikuar orën me nervozizëm, e mbajti nën vëzhgim.
Më pas panë një person me skuter që iu afrua. Të dy të rinjtë biseduan pak me njëri tjetrin, pastaj personi që qëndronte para makinës, i kaloi çantën e shpinës shoferit të skuterit.
Në atë moment ndërhyri policia dhe bëri kontrollin e të rinjve. Gjatë kontrollit në çantën e shpinës u gjet e mbështjellë me qese të zezë, një pako me kokainë e të pastër, e cila peshonte mbi 2.3 kilogramë.
Kjo ka bërë që të dy të arrestohen në flagrancë për kryerjen e veprës penale të mbajtjes së lëndëve narkotike me qëllim trafikim.
Tashmë po vijojnë hetimet për të kuptuar se për kë ishte dedikuar ngarkesa e kokainës, vlera e së cilës në treg është mbi 500 mijë euro.
M.Q./ReportTv.al