Një punonjes i policisë është arrestuar nga SPAK dhe SHÇBA pasi i kërkoi një personi 4 mijë euro me qëllim favorizimin për të mos ia arrestuar djalin, i cili kishte kundërshtuar Patrullën e Policisë, duke thyer Aktin Normativ gjatë pandemisë.
Burime për Report TV bëjnë të ditur se në pranga u vu Ilir Dizdari, me detyrë specialist i Hetimit të Krimeve në Komisariatin e Policisë Kavajë. Efektivi i policisë dyshohet se duke keqpërdorur atributet që i jep detyra dhe funksioni dhe ka konsumuar veprën penale të “Korrupsionit pasiv”.
"Gjatë ushtrimit të detyrës, ai i ka kërkuar një shtetasi një shumë prej 4,000 eurosh me qëllim favorizimin për mos arrestim në flagrancë të djalit të tij. I riu kishte kundërshtuar Patrullën e Policisë, duke thyer Aktin Normativ gjatë pandemisë. Me qëllim ndryshimin e cilësimit juridik të veprës penale nga "Kundërshtim i punonjësit të Policisë" në "Mosbindje ndaj punonjësit të Policisë", oficeri i Policisë kërkonte shumën e sipërmendur prej një periudhe disa mujore në formë kërcënimi, si duke ushtruar presion në ambientin e biznesit të shtetasit. Mbi bazën e regjistrimit të procedimit penal, në momentin e shkëmbimit të vlerave monetare të kërkuara nga specialisti i Hetimit të Krimeve, në kushtet e flagrancës, oficerët e Policisë Gjyqësore të SHÇBA-së arrestuan N/Komisarin I.D., si dhe sekuestruan si prova materiale vlerën monetare prej 4 mijë eurosh dhe celularin e tij", thuhet në njoftim.
Hetimet vijojnë nën drejtimin e Prokurorisë së Posaçme Kundër Korrupsionit e Krimit të Organizuar.
Komente
E keni horrin tuaj ju te PeDese kete te sotmin
PërgjigjuO ty tq**sha ropt
Policia qe duam e Lleshit dhe Veliut. Nje tuf me horra
Përgjigju