Policia Rrugore vijon me masat e shtuara në mbarë vendin për të parandaluar aksidentet rrugore.
Tashmë që sezoni i verës po afron dhe numri i automjeteve që lëvizin në akset e vendit shtohen duke krijuar fluks makinash, që lëvizin kryesisht drejt zonave bregdetare, turistike dhe qendrave tregtare e urbane.
Gjithashtu, Rrugorja ka intensifikuar monitorimet me mjetet inteligjente, radarë automatikë, me kamera dhe patrulla të lëvizshme me mjete të paloguara.
'Gjatë kësaj jave, në të gjithë vendin, si rezultat i monitorimit, nga shërbimet e Policisë Rrugore, janë evidentuar dhe arrestuar në të gjithë vendin, 45 drejtues mjetesh, për drejtim mjeti në gjendje të dehur, pa leje drejtimi apo në efektin e lëndëve narkotike.
Janë pezulluar 109 leje drejtimi, kryesisht për shpejtësi tej normave të lejuara dhe për drejtim mjeti në efektin e alkoolit apo të lëndëve narkotike.', thuhet në njoftimin e policisë.
Së fundmi Rrugorja e Tiranës ka goditur 4 raste të tentativës për të korruptuar punonjësit e policisë Rrugore, nga drejtuesit e automjeteve me qëllim shmangien e gjobave.
Ndërsa në mbarë vendin janë evidentuar dhe ndëshkuar me masë administrative 27 377 drejtues mjetesh për këto shkelje: