Policia e Shtetit vijon kontrollet në shtëpitë e personave të prekur me COVID-19 duke u bërë thirrje që të mos dalin nga shtëpia e tyre, pasi listat e përditësuara zotërohen nga autoritetet. Së fundmi është publikuar një video nga kontrollet në Korçë për të vëzhguar se sa janë respektuar rregiullat e vetëkarantinimit.
"Strukturat e Drejtorisë Vendore të Policisë Korçë dhe të Komisariateve në varësi të saj vijojnë kontrollet e herëpashershme në banesat e të prekurve nga COVID-19, me qëllim kontrollin për respektimin me rigorozitet të vetëkarantinimit, për të bërë të mundur parandalimin e përhapjes së COVID-19. Në qarkun Korçë, Policia disponon të gjitha listat e përditësuara me personat e prekur nga COVID-19 dhe zhvillon kontrolle të përditshme tek çdo person, gjatë ditëve të vetëkarantinimit. Policia e Korçës apelon për të gjithë qytetarët që të respektojnë distancimin social, lokalet dhe bizneset të respektojnë protokollet e sigurisë, të prekurit nga COVID-19 të respektojnë detyrimisht vëtëkarantinimin, duke bërë të mundur që të gjithë bashkë të kontribuojmë në parandalimin e përhapjes së COVID-19", shkruhet në postimin e policisë.
//ReportTv.alKomente
Shume mire qe I kontrrolloni ne se rine Brenda ,por a ju keni thene qe te mos u lejohet asnje qe ti vizitoje?
Përgjigju