TIRANË-Ambasadorja amerikane në Tiranë Yuri Kim ka përshëndetur sot lajmin se janë përzgjedhur 28 hetuesit e parë të Byrosë Kombëtare të Hetimit.
Teksa ka shpërndarë mesazhin e ambasadës së SHBA, Kim ka dhënë edhe një mesazh lidhur me zhvillimin në sistemin e drejtësisë në vend. Kim shprehet ndër të tjera se SPAK po sekuestron pasuri dhe po çon kriminelët pas hekurave.
“SPAK po procedon më shumë, duke sekuestruar pasuritë dhe duke i vendosur kriminelët pas hekurave; Gjykata Kushtetuese po funksionon; Gjykata e Lartë po shqyrton çështje; vetingu vazhdon. Inspektorët e BKH po trajnohen. Reforma në Drejtësi nuk është e lehtë, e shpejtë ose e përsosur, por po ecën përpara edhe nëse “djemtë e këqij” nuk e duan atë,” shkruan Kim.
Paraditen e sotme ambasada Amerikane në Tiranë ka përshëndetur kualifikimin e 28 kandidatëve të Byrosë Kombëtare të Hetimit nga 37 që ishin gjithsej. Me anë të një postimi në rrjetet sociale, shkruhet se SHBA do të vijojë që të mbështesë Prokurorinë e Posaçme dhe FBI-në shqiptare në luftën kundër korrupsionit dhe krimit.
Edhe ambasadori i OSBE, Luigi Soreca, e ka përshëndetur certifikimin e 28 kandidatëve për Byronë Kombëtare të hetimit. Në mesazhin e tij, Soreca ka nënvizuar se është e rëndësishme të nisë një thirrje e dytë për hetues të BKH.
BKH dje njoftoi se kandidatët, që kanë kaluar ose jo kushtet e sigurisë, do të njoftohen individualisht. Për tu plotësuar përfundimisht BKH duhet të ketë 60 anëtarë. Ndaj vijon procesi i rekrutimit për 32 pozicionet “Hetues”, të pa plotësuara. Kandidatët do të duhet të kalojnë testin fizik fillimisht dhe më pas një seri kontrollesh.
Edhe ambasadori i OSBE, Luigi Soreca, e ka përshëndetur certifikimin e 28 kandidatëve për Byronë Kombëtare të hetimit. Në mesazhin e tij, Soreca ka nënvizuar se është e rëndësishme të nisë një thirrje e dytë për hetues të BKH.
“Ne mirëpresim përfundimin e procesit të verifikimit për kandidatët e parë për hetuesit të BKH. Urime grave dhe burrave që e përfunduan me sukses! Tani do të fillojnë trajnim të specializuar. E rëndësishme është të filloni një thirrje të dytë për hetues. BE vazhdon të mbështesë SPAK”, shkruan ambasadori Soreca.
Komente
Kë ka çuar më burg: Berishën, Metën, apo Bashën? Kur të çojë një nga kriminelët kryesorë atëherë mund të themi se sistemi po funksionon...
PërgjigjuPo po fiks reforma ne drejtesi e futi ne burg edhe Ben Noken. Ahahahah sa i mjere ky popull
Përgjigju