TIRANË- Keni bërë plane që të festoni Vitin e Ri jashtë vendit? Tashmë, përpara se të prisni një biletë udhëtimi, duhet patjetër që të mësoni se cilat janë masat anti-COVID që ka secili shtet në fuqi. Ministria e Jashtme ka vënë në dispozicion për të gjithë qytetarët hartën e botës ku ju njeh me të gjitha masat për çdo shtet. Mjaftoni që të klikoni shteti dhe aty do ju shfaqen masat, kategoritë e udhëtarëve që lejohen si edhe dokumentet e nevojshme. (KLIKONI KËTU)
Psh, nëse do klikojmë mbi hartën e Italisë, në faqen e ministrisë dalin këto të dhëna:
- Autoritetet në Itali kanë dekretuar zgjatjen e gjendjes së jashtëzakonshme kombëtare, për shkak të pandemisë COVID-19, deri më 31 mars 2022. Për personat që hyjnë në Itali, nga një vend i BE, është i detyrueshëm tamponi negativ PCR. Ata që nuk janë të vaksinuar bëhet e detyrueshme karantina 5 ditore dhe tamponi negativ.
- Qytetarët shqiptarë mund të hyjnë në Itali, për motive të caktuara :
- 1. Pune
- 2. Shëndeti,
- 3. Studimi,
- 4. Urgjence,
- 5. Persona të cilët kthehen në vendin e tyre të rezidencës,
- 6. Familjarët e ngushtë të shtetasve shqiptarë të pajisur me leje qëndrimi të rregullt në Itali,
- 7. Personat të cilët kanë një marrëdhënie emocionale të provuar dhe të qëndrueshme me shtetas që janë rezidentë në Itali,
- 8. Sportistë, teknikë, gjykatës garash dhe shoqërues që marrin pjesë në aktivitete sportive olimpike, paraolimpike të certifikuara dhe me interes kombëtar.
- Dokumentacioni i nevojshëm që kërkohet:
- 1. Formulari “Passenger Locator Form” në format digjital ose në kopje fizike https://app.euplf.eu/
- 2. Testi me rezultat negativ molekular (PCR) të kryer 72 orë përpara udhëtimit ose antigjenik të kryer 24 orë përpara udhëtimit;
- 3. Qytetarët i nënshtrohen izolimit në mirëbesim prej 10 ditësh në adresën e deklaruar në "Passenger Locator Form". Këto rregulla për udhëtimin janë në fuqi nga data 16 dhjetor 2021 deri më 31 janar 2022.
E njëjta gjë ndodh me të gjitha shtetet e tjera të botës.
B.K.//ReportTv.al
Komento
