Pas samitit në Shkup, kryeministri Edi Rama në një konferencë për gazetarët shqiptarë komentoi takimin, ndërsa tha se plani ekonomik i BE është një format i duhur pasi fillimisht vendet e Ballkanit Perëndimor duhet të integrohem brenda për brenda vetes. Rama tha se kanë humbur kohë për këtë proces dhe janë shumë mbrapa, pasi nuk kanë bërë gjitha angazhimet në kuadër të Procesit të Berlinit e Ballkanit të Hapur.
Rama tha se BE e ka bërë të qartë se nëse nuk janë bashkë vendet e Ballkanit Perëndimor, ai që do pengojë këtë proces do penalizohet.
“Ky format këto kërkesa që ka sot BE, nga të gjithë ne, për të na dhënë mundësinë që të marrim shumë më tepër mbrapsht në aspektin ekonomik, flasin vetë për atë që më ka rënë goja. Duhet të integrohemi brenda për brenda rajonit që të jemi gati kur të duhet të bëjmë një hap më tej në BE. Nëse do i kishim bërë gjitha gjërat që mund të kishim bërë në kuadër të procesit të Berlinit, apo Ballkanin e hapur sot do ishim gati. Nuk jemi gati se kemi humbur kohë, kemi harxhuar energji duke u marrë me terminologji, jo po ky procesi është tjetër, ai tjetër. Gjëra që në fakt janë rezultat i mungesës së vizionit strategjik të përbashkët dhe mungesa e dëshirës për të ndarë çështjet e brendshme me këtë çështje të madhe. BE e ka bërë të qartë se nëse ne nuk jemi bashkë, kush do bëhet shkak do penalizojë veten se nuk do përfitojë dot”, tha Rama.
Lajmi kryesor:
Samit në Tiranë për Ukrainën, vjen dhe Zelensky! Rama nga Shkupi: Darka me Kurtin e Vuçiç shumë pozitive
SI.E.//ReportTv.al