LEZHË- Një ngjarje e rëndë është regjistruar mbrëmjen e kësaj të premteje në Gjadër të Lezhës ku ka mbetur i plagosur 24-vjeçari Dorjan Gjini. Ngjarja ndodhi rreth orës 22:00 në Gjadër të Lezhës pas një konflikti të çastit i cili ka agravuar deri në përdorimin e armës nga autori Gerald Marku i cili është shpallur në kërkim nga policia e Lezhës.
Gazetari i Report Tv Elvis Hila mëson paraprakisht se ka qenë një përplasje mes dy të rinjve që ka sjellë plagosjen e Gjinit me një plumb në këmbë.
Aktualisht, Gjini ndodhet në spitalin e Lezhës jashtë rrezikut për jetën ndërsa policia ka shtuar pikat e kontrolleve për të kapur autorin.
Policia ndodhet në vendngjarje dhe po punon për të zbardhur detajet e kësaj ngjarjeje .
G.MO/ReportTv.al"Lezhë/ Informacion paraprak
Rreth orës 22:00, në Gjadër, pas një konflikti të çastit për motive të dobëta, ka mbetur i plagosur me armë zjarri në këmbë, shtetasi D. Gj. 24 vjeç, banues në Gjadër, i cili aktualisht ndodhet jashtë rrezikut për jetën.
Falë veprimeve të shpejta hetimore në vendngjarje nga grupi hetimor, është bërë i mundur identifikimi i autorit të dyshuar, shtetasit G.M., ku vijon kontrolli i zonës me qëllim kapjen e tij.
Grupi hetimor në vendin e ngjarjes po kryen të gjitha veprimet hetimore për sqarimin e plotë të rrethanave të ngjarjes."- njofton policia.
