Plagoset me zjarri pronari i një fasonerie në Fushë-Krujë, Arben Dedja. Burimet bëjnë të ditur se një person ende i paidentifikuar është futur në ambientet e fasonerisë dhe ka qëlluar me armë zjarri në drejtim të tij duke e plagosur në këmbë. Ai është paraqitur në Qendrën Shëndetësore të Fushë-Krujës e më pas është dërguar në Spitalin e Traumës në kryeqytet ku ndodhet jashtë rrezikut për jetën.
Menjëherë shërbimet e Policisë kanë mbërritur në vendngjarje dhe vijon krehja e zonës si dhe janë ngritur pika kontrolli në hyrje-dalje të qytetit për kapjen e autorit. Në ambientet e Policisë janë shoqëruar disa persona që mund të kenë dijeni për ngjarjen si dhe janë sekuestruar pamjet filmike për zbardhjen e rrethanave të ngjarjes dhe identifikimin e autorit. Grupi hetimor nën drejtimin e Prokurorisë vijon punën për zbardhjen e plotë të ngjarjes, njofton policia.
Inspektorët e policisë kriminale kanë shkuar në Spitalin e Traumës për ta pyetur të plagosurin. Ndërsa familjarët e tij janë shprehur se nuk kanë dijeni për rrethanat e ngjarjes
"Më datë 01.05.2021, rreth orës 18:50, ka shkuar në spital për ndihmë mjekësore shtetasi A. D., 61 vjeç, banues në Krujë, dyshohet se si pasojë e një konflikti të çastit është plagosur me armë zjarri në këmbë dhe ndodhet nën kujdesin e mjekëve, jashtë rrezikut për jetën. Menjëherë shërbimet e Policisë kanë mbërritur në vendngjarje dhe vijon krehja e zonës si dhe janë ngritur pika kontrolli në hyrje-dalje të qytetit për kapjen e autorit. Në ambientet e Policisë janë shoqëruar disa persona që mund të kenë dijeni për ngjarjen si dhe janë sekuestruar pamjet filmike për zbardhjen e rrethanave të ngjarjes dhe identifikimin e autorit. Grupi hetimor nën drejtimin e Prokurorisë vijon punën për zbardhjen e plotë të ngjarjes", ka njoftuar policia.
Të tjera detaje janë zbuluar nga plagosja me armë zjarri pasditen e sotme në Fushë-Krujë. Mësohet se Arben Dedja është qëlluar brenda biznesit të tij. Ndërkohë që përplasja ka qenë pas një sherri çasti.
Inspektorët e policisë kriminale janë në Spitalin e Traumës për ta pyetur të plagosurin. Në vendngjarje ndodhet drejtori i policisë së qarkut të Durrësit.
