Policia ka identifikuar personin që qëlloi me armë Emiliano Palokën në fshatin Malikolaj të Velipojës mbrëmjen e 2 prillit. Ai është një shtetas 25-vjeçar K.L., banues në fshatin Baks të Ri në Velipojë.
'Si rezultat i veprimeve hetimore të kryera nga specialistët e Seksionit për Hetimin e Krimeve ndaj Personit të DVP Shkodër, për zbardhjen e rrethanave të plagosjes së ndodhur mbrëmjen e datës 02.04.2024, në fshatin Malikolaj, Velipojë, bazuar dhe në informacionet e siguruara nga inteligjenca policore, është identifikuar autori i dyshuar i këtij rasti, shtetasi K. L., 25 vjeç, banues në fshatin Baks i Ri, Velipojë.', thuhet në njoftimin e policisë.
Ky shtetas rezulton se ka thyer masën e sigurisë së ‘arrestit në shtëpi’ të caktuar nga Gjykata pasi ka kryer veprën penale të vjedhjes duke shpërdoruar detyrën.
Ndërkohë vijon puna për kapjen e tij. Sakaq, i plagosuri 27-vjeçar është në kujdesin e mjekëve dhe Prokuroria po vijon punën për zbardhjen e plotë të rrethanave të plagosjes.
Lajmi ne perditesim...
G.K/ReportTv.al