Një 15-vjeçar ka mbetur i plagosur mbrëmjen e sotme në Tiranë, pasi është goditur me thikë. Ngjarja është regjistruar në bulevardin “Zhan D’ark”, rreth orës 20:45, ku i plagosur ka mbetur i mituri me inicialet J. K.. Ngjarja ka ndodhur pas një konflikti të çastit ku ai u përfshi me një person tjetër, i cili akoma nuk është identifikuar.
Në vendngjarje ka shkuar Policia që ka bërë rrethimin e zonës dhe po vijojnë kontrollet me qëllim identifikimin dhe kapjen e autorit. I mituri është dërguar në spital, ku ndodhet nën kujdesin e mjekëve.
Nuk bëhen ende me dije të tjera detaje nga rrethanat e ngjarjes, ndërsa grupi hetimor po punon për sqarimin e rrethanave të ngjarjes.
Komento
