SHKODËR- Një sherr mes katër emigrantëve me një grup personash të tjerë ka çuar në plagosjen e një 17-vjeçari afgan në Malësi të Madhe.
Ngjarja ka ndodhur në afërsi të stacionit hekurudhor, në fshatin Fermë, ku pas sherrit për arsye qe ende nuk dihen, i mituri emigrant ka mbetur i plagosur me armë zjarri.
Rrethanat e ngjarjes ende nuk dihen, ndërsa policia ka marrë në pyetje tre emigrantët e tjerë. 17-vjeçari është dërguar në spital për të marrë ndihmë mjekësore, ndërsa personat e tjerë të përfshirë në konflikt janë larguar nga vendi i ngjarjes.
Grupi hetimor po punon për sqarimin e rrethanave të ngjarjes, identifikimin dhe kapjen e personave të tjerë të përfshirë në konflikt.
SI.E.//ReportTv.al
Komento
