Ambasada e Shqipërisë në Greqi ka përsëritur se për shkak të grevës 48 orëshe të shërbimit doganor grek, kalimi në pikat kufitare shqiptaro-greke do të pezullohet nga ora 07.00 e datës 02.04.2024 deri më orën 07.00 të datës 04.04.2024.
Ambasada shqiptare thekson se kalimi i kufirit shqiptaro-grek do të lejohet vetëm për këmbësorët, pa bagazhe dhe personat me probleme serioze të shëndetit.
"NJOFTIM
Bazuar në njoftimin e përcjellë nga autoritetet e Republikës së Greqisë, bëhet me dije se, për shkak të grevës 48 orëshe të shërbimit doganor grek,:
Duke filluar nga ora 07.00 e datës 02.04.2024
Deri në orën 07.00 të datës 04.04.2014,
Shërbimi në pikat e kalimit të kufirit me Greqinë do të pezullohet.
Kalimi i kufirit do të lejohet vetëm për këmbësorët, pa bagazhe dhe personat me probleme serioze të shëndetit.
Sa më sipër, lutemi që shtetasit shqiptarë të marrin masa për udhëtimet e tyre të planifikuara.
Në rast ndryshimi të këtij vendimi, do ju informojmë me një njoftim të dytë",-njofton ambasada shqiptare në Greqi.
Lajmi kryesor:
Kakavija, Tre Urat dhe Qafë Botë do jenë të mbyllura nga 2 - 4 prill! S'do lejohen makinat, vetëm këmbësorë! Shkak protesta e sindikatave greke
K.M/ReportTv.al