Konferenca e kryetarëve në të cilën PS dhe grupi Bardhi do të punonin për finalizuar dakordësinë e arritur një ditë më parë, u shty, pasi Rithemelimi po punon për të saktësuar objektet e 2 komisioneve hetimore, të cilat më herët janë rrëzuar nga mazhoranca.
Deputeti i PS Petro Koçi i ftuar në “Studio Live” në Report Tv i pyetur për deklaratat e Ramës se nuk negocion me non grata tha se “Gaz Bardhi është në parlament.”
“Ajo që është rënë dakort dje i repsketon të dyja realitetet. Për mua parti demokratike nuk ka fare, por ka opozitë. Në dilemën se çfarë të bësh kur gara e nesërme elektorale është mes partive politike... Edhe ne e kemi të vështirë të bëjmë gjyqin e tyre se nuk jemi gjykatës.”
Për PS, deputeti Koçi nënvizon se ka rëndësi që kriza e opozitës të mos shkojë në parlament.
“Nuk kalon dot asnjë gërme e presje e propozuar nga kushdo në kodin zgjedhor nëse nuk është dakort PS. Për ne nuk ka rëndësi nëse ata që janë atye kanë mbiemrin Alibeaj apo tjetër. Kriza e tyre për ne është e rëndësishme të mos vijë në parlament e të kthehet në zjarr parlamentar.”
Analisti Lavrdim Lita sa i përket negociatave, u shpreh se PD i ka ofruar Rithemelimit një lugë bosh.
“PS i ka ofruar një lugë opozitës, është lugë bosh. Ulja e pazarit në dy komisione është qesharake. E ka pranuar se duhet një skemë për të dalë nga izolimi ku janë vetë-futur.”
Lajmi kryesor:
21 janari, Petro Koçi: SPAK i detyruar të hetojë Sali Berishën, u vetëdeklarua përgjegjës! 'Partizani' çështje e vogël para vrasjeve në Bulevard
B.K/ReportTv.al