Numri i njerëzve të zhvendosur brenda Sudanit nga luftimet midis fraksioneve ushtarake rivale është dyfishuar në javën e kaluar në rreth 700,000, ka thënë një agjenci e OKB-së.
Rritja e zhvendosjeve ka ngritur frikën e një përshkallëzimi të dhunës pavarësisht bisedimeve për armëpushimin që po mbahen në Arabinë Saudite.
Sulmet ajrore dhe betejat tokësore po vazhdojnë në kryeqytetin Khartoum. Lagje të tëra janë boshatisur pasi banorët largohen nga shtëpitë e tyre.
Khartoum kishte një popullsi prej 5.4 milionë banorësh, por qyteti dikur paqësor është shkatërruar nga konflikti që shpërtheu më 15 prill midis ushtrisë dhe Forcave të Mbështetjes së Shpejtë paraushtarake (RSF).
Të martën, një sulm ajror ushtarak goditi një pallat të epokës osmane në qendër të qytetit Khartoum.
Banorë të tjerë thanë se avionët luftarakë ushtarakë po fluturonin në të gjithë Khartoum-in jugor dhe luftime të ashpra po zhvilloheshin në lagjen e klasës së mesme al-Sahafa, jo shumë larg aeroportit ndërkombëtar, i cili është i mbyllur. Më shumë se 600 njerëz janë vrarë dhe 5000 janë plagosur në konfliktin që rrezikon destabilitet në të gjithë rajonin.
B.V/ReportTv.al