15 biznese janë gjobitur së fundmi në Tiranë pasi janë konstatuar duke zhvilluar aktivitetin në kundërshtim me aktin normativ për koronavirusin. Katër prej këtyre subjeketeve e kanë kryer shkeljen në mënyrë të përsëritur dhe për këtë arste përveç gjobës me 1.000.000 lekë janë të detyruar të mbyllin aktivitetin për një periudhë 6-mujore.
Këtër subjektet janë në pronësi të shtetases H. B (dy prej tyre) dhe dy subjekte me pronar shtetasit B.B dhe R.H.
Më konkretisht katër prej 15 bizneseve janë konstatuar duke kryer aktivitetin në kundërshtim me aktin normativ nga efektivët e komisariatit numër katër. Policia u ka vendosur pronarëve të subjekteve, shtetasve J. P., A.H. dhe H. B., F.D., gjobën 1.000.000 lekë secilit.
Gjithashtu, shërbimet e Komisariatit të Policisë Nr. 5 i kanë vendosur masën administrative 1.000.000 lekë, shtetasve T. B., M.L., E.C., A.T dhe I.A pronarët të pesë restoranteve, pasi u konstatua duke zhvilluar ceremoni festive duke mos respektuar protokollet e sigurisë.
Po në vijim të kontrolleve të ushtruara, sherbimet e Komisariatit Nr.1, i ka vendosur masë administrative 1.000.000 lekë, tre shtetasve L.K. dhe B.B., A.XH., pronarë të tre restoranteve, pasi u konstatuan duke ushtruar aktivitet duke mos respektuar protokollet e sigurisë.
Gjithashtu, shërbimet e Komisariatit të Policisë Nr. 6 i kanë vendosur masë administrative 1.000.000 lekë, shtetasve P. Ç., R.H dhe K.A., pronarët të tre restoranteve, pasi u konstatuan duke zhvilluar ceremoni festive duke mos respektuar protokollet e sigurisë.
Ne.k./ReportTv.al