LEZHË- Një aksident rrugor ka ndodhur në autostradën Lezhë-Shkodër, ku 3 automjete janë përplasur në vendin e quajtur Mabe. Sipas burimeve, raportohet për 4 të plagosur, ku dy prej tyre janë në gjendje të rëndë shëndetësore.
Kanë qenë banorët e zonës që kanë dhënë ndihmën e parë dhe më pas të plagosurit janë transportuar për në spitalin rajonal të Lezhës. Policia ka mbërritur në vendngjarje dhe po kryen verifikimet mbi shkaqet e këtij aksidenti. Akoma nuk dihet identiteti i personave që janë përfshirë në aksident. Heqja e makinave me karotrec ka krijuar trafik të automjeteve në rrugë.
Komento
