PËRMET- Një ngjarje e rëndë ka ndodhur në Përmet pasditen e kësaj të mërkure, ku një turiste gjermane është mbytur në kanionin e Langaricës.
Policia bën me dije se ngjarja është regjistruar rreth orës 18:25, ku turistja gjermane, 66-vjeçarja me inicialet A.S., ka qenë duke vizituar me këmbë kanionin e Langaricës së bashku me bashkëshortin, 72-vjeçarin me inicialet F.Ë.
Për shkak të prurjeve të mëdha të ujit, 66-vjeçaren e ka marrë rrjedha dhe për pasojë është mbytur, ndërsa bashkëshorti i saj ka mundur të dalë në breg.
Shërbimet e Policisë dhe ata të zjarrfikëses kanë nxjerrë nga uji trupin e pajetë të turistes gjermane, ndërsa në vendngjarje ndodhet grupi hetimor, i cili po punon për sqarimin e rrethanave të ngjarjes.
Në vendngjarje ndodhet grupi hetimor, i cili po punon për sqarimin e rrethanave të ngjarjes.
G.MO//ReportTv.al