Southampton ka shkarkuar trajnerin Nathan Jones pas vetëm 95 ditësh në krye të klubit të Premier League. Ish-trajneri i Luton Toën, 49 vjeçari largohet duke lënë "Shenjtorët" në fundin e tabelës pas humbjes të së shtunës ndaj Wolves me 10 lojtarë.
Uellsiani, i cili është trajneri më jetëshkurtër te Southampton në epokën e Premier League, humbi nëntë nga 14 ndeshje pasi mori detyrën më 10 nëntor. Ky rekord përfshinte tetë humbje në nëntë ndeshje në Premier League dhe katër humbje të njëpasnjëshme në shtëpi.
Ndihmëstrajnerët e ekipit të parë Chris Cohen dhe Alan Sheehan gjithashtu janë larguar nga klubi, ndërsa trajneri Ruben Selles do të marrë përkohësisht drejtimin e ndeshjes së ardhshme në Premier League kundër Chelsea.
Pavarësisht se kryesonin 1-0 kundër Wolves, Jones e pa skuadrën e tij duke u përmbysur në shtëpi, rezultat i cili u prit me brohoritje nga tifozët në fundin e takimit. Southampton me 15 pikë pas 22 ndeshjeve është në fundin e tabelës në Premier League.
S.DH/ReportTv.al