TEPELENË- Policia e Tepelenës “goditi” një tjetër rast të lojërave të fatit në një lokal, ku vuri në pranga administratorin dhe nisi hetimin për pronarin dhe një klient.
Administratori banues në Memaliaj, i identifikuar si A.M 55 vjeç kishte vënë në dispozicion ambientet e lokalit që administronte, për organizimin e lojërave të fatit.
Gjithashtu hetimi nisi ndaj B. M., 60 vjeç, banues në Memaliaj (pronar i subjektit) dhe J. E., 34 vjeç (klient i subjektit), pasi u konstatuan duke ushtruar aktivitetin e lotarive të palejuara në subjektin e shtetasit A. M.
Nga këqyrja e aparateve celulare të këtyre dy persona janë gjetur programe që përdoren për organizimin e basteve sportive online.
Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër, për veprat penale “Organizimi i lotarive të palejuara", "Pjesëmarrja në lojërat e fatit që zhvillohen në kundërshtim me ligjin" dhe "Vënia në dispozicion e lokaleve për lojëra të palejuara".
J.GJ./ReportTv.alKomente
E keni per qef nje ne rugen fiqerete musta ne vlor.hapur fare
PërgjigjuI keni ish pikat e llotove ne tirane qe akoma vendosin baste me telefonin e proanrit te kafes....
Përgjigju