Tiranë, 1986, për herë të parë vendoset në skenë komedia ‘Pallati 176.’ Unë linda 9 vite më vonë. Arti nuk njeh kohë, as barriera, sepse edhe sot, pas më shumë se 35 vitesh, Elsën e njohin të gjithë. Unë nuk i përkas atij brezi, por Elsën e njoh, e dua si personazh, i kam batutat në mendje, sepse e kam parë disa herë shfaqjen.
Por Evën nuk e duan vetëm si Elsa, e duan edhe si Etleva tek ‘Treni niset në shtatë pa pesë’, edhe si Edlira te “Stolat në park”, Vera tek “Njeriu i mirë”. Eva është origjinale, me vlerën e viteve, me dashurinë e patjetërsueshme të publikut, sot, ajo duhet të ishte ndër më të kërkuarat, por JO!
JO, sepse arti nuk ka ekzistuar kurrë ashtu si duhet në tokën e Evës. JO, sepse në tokën e saj, që nga nisja e studimit, kushti kryesor i përzgjedhjes është sasia e parave që jep. E më andej, merreni me mend se kush është në listë për role, për drejtor, e për të ardhme.
Fjala e Evës, ishte kryefjala e fundjavës, a e dini pse? Sepse Eva nuk tha asgjë të veçantë. Ajo foli për të gjithë hipokritët që nuk guxuan asnjëherë të flasin me gjuhën e të vërtetës, por pranuan servilosjen për të kapur tek tuk ndonjë rol me mik. Eva shkaktoi tërmet me deklaratën e saj, e dini përse? Sepse ajo nuk është aq e vogël për tu njollosur me bëmat e burokratëve.
A dini pse Eva theu heshtjen? Sepse Eva Alikaj është Eva Alikaj! Jepini Evës atë çfarë i takon Evës!
Si qëndron historia? Shikoni intervistën e plotë.
K.T.//ReportTv.al
Komente
JETOJM NE BOTEN E MASKARENJVE , KUR U BE DHE KARAGJOZI ERMAL MAMAQI IMAGJINO CFAR BEHET , KY BURRACAK QE AS NENEN E VET NUK E DO DHE NUK FLET CFSR MUND TE PRESESH , I DUKET VETJA BOSS ,MIR QE KE GRUAN SE VET DO ISHE BARBON .
PërgjigjuKe shume shume te drejte.Si ai ka plot Me mire rri degjo muzike sesa debilitetet e mamaQit