TIRANË- Edhe këtë vit, pensionistët do të marrin shpërblimin për festat e fundvitit, i kthyer traditë prej vitesh. 683 mijë pensionistë do të marrin bonusin në vlerën e 5 mijë lekëve. Në aktin normativ të publikuar në fletoren zyrtare, specifikohet se fondi që do të vendoset në dispozicion të bonusit për pensionistët është 3.5 miliardë lekë.
Sa i takon vitit të ardhshëm nuk do të jetë më dilema e masës së shpërblimit, pasi është e caktuar që në projektligjin fillestar të projektbuxhetit të vitit 2022.
Ndërkohë, Qeveria ka vendosur të rishikojë për herë të gjashtë Buxhetin e Shtetit ku ka rritur pritshmëritë për të ardhurat me 18.2 miliardë lekë.
Të ardhurat ishin në vlerën e 489,526 lekë, në aktin e fundit normativ kanë arritur në 507,727 miliardë lekë. Ndërsa shpenzimet parashikohet të arrijnë në fund të dhjetorit në 628,269 miliardë lekë, nga 610,069 miliardë lekë që pritej deri tani.
Akti Normativ botuar në Fletoren Zyrtare për ndryshimin e buxhetit
B.K./ReportTv.al