Ministri i Mbrojtjes, Niko Peleshi ka marrë pjesë në takimin e ministrave të Mbrojtjes të vendeve të NATO-s, nga ku ka theksuar se Shqipëria ka dënuar me ashpërsi sulmin terrorist, si një tentativë për destabilizimin e rajonit.
Peleshi thekson se është i mirëpritur intensifikimi i patrullimeve të KFOR përgjatë kufirit Kosovë-Serbi në sinkronizim me Policinë e Kosovës.
“Situata në Veri të Kosovës mori një vëmendje të veçantë në takimin e Ministrave të Mbrojtjes të vendeve të NATO-s në Bruksel.
Shqipëria ka dënuar me ashpërsi sulmin terrorist, si një tentativë për destabilizimin e rajonit dhe është tërësisht e angazhuar bashkë me aleatët për të parandaluar përshkallëzimin e situatës.
I mirëpritur intensifikimi i patrullimeve të KFOR përgjatë kufirit Kosovë-Serbi në sinkronizim me Policinë e Kosovës”, shkruan Niko Peleshi në Facebook.
