Dy avionë dhe mjete të posaçme për mbrojtjen civile do i shtohen vendit tonë me anë të kredisë me vlerë 30 mln euro nga Italia. Lajmin e bëri të ditur ministri i Mbrojtjes Peleshi në konferencën e tij për shtyp ku tha se duke qenë se çështja e mirëmbajtjes është një ndër hallkat e vendit tonë, mbrojtjes civile do i shtohen dy avionë të rinj të cilët do kenë kosto modeste. Peleshi shtoi se do të zgjidhen marka nga Kroacia dhe Mali i Zi dhe do të cilësohen si zgjidhje inteligjente.
“Një kredi 30 mln euro do të merret nga Italia për zjarrfikësit dhe për mjete të tjera. Parashikojmë që të shtojmë flotën e mjeteve ajrore, me dy avionë. Janë disa mjete modeste në kosto dhe të përshtatshme. E për më tepër, çështja e mirëmbajtjes është ajo që na shkakton probleme ndaj po zgjedhim disa marka me vende si Kroacia apo Mali i Zi dhe të kalojmë te ajo që quhet, zgjidhje inteligjente.”- tha Peleshi.
Peleshi u ndal edhe në ndihmën e vendit tonë për Ukrainën ku tha se po përgatiten pako të reja për popullin dhe ushtrinë e Ukrainës.
“Shqipëria do të mbështesë Ukrainën, po përgatisim pako të reja me kapacitete të nevojshme për popullin dhe ushtrinë e Ukrainës.”- tha Peleshi.
Lajmi kryesor:
Peleshi: Fuqizojmë mbrojtjen kibernetike, ekspertët e IT do paguhen më shumë se privati! Nis ndërtimi për kampusin e FA pranë Bunk'Art 1
G.MO//ReportTv.al