Këto janë pamjet e rrugës së rikonstruktuar Leskovik-Ersekë që ka shërbyer si një dritare më shumë për zhvillimin e turizmit në vendin tonë.
Pamjet nga peisazhi mahnitës që ofron përshkimi i kësaj rruge janë publikuar në rrjete sociale nga kryeministri Edi Rama i cili po ashtu vuri në dukje edhe ndikimin e saj në shtimin e fluksit të turistëve që vizituan zonën.
"Peizazhin mahnitës të rrugës së re Leskovik-Ersekë, ku ky vit solli shumë turistë, e më shumë akoma do të sjellë tjetri, ju uroj një të diel të mbarë", shkruan Rama.
Ndërtimi i rrugës Leskovik-Ersekë është pjesë e lidhjes turistike të Gjirokastrës, Përmetit, me Ersekën dhe Korçën, dy zona me potencial të jashtëzakonshëm kulturor dhe natyror. Projekti i rikonstruksionit të kësaj rruge kushtoi rreth 6 milionë euro, financuar nga qeveria shqiptare dhe BERZH.
Fshati Gjinoqarë në Fier, ka një natyrë të bekuar e të qëndisur me të mbjella nga fermerët duarartë.
Kjo është panorama që sjell natyra e mrekullueshme e këtij fshati. Pamjet janë shpërndarë në rrjete sociale nga kryeministri Edi Rama.
Natyrës së bukur të këtij fshati, Rama nënvizon se i është shtuar qëndisja me të mbjella nga fermerët e zonës.
