TIRANE-Sekretari i Përgjithshëm i Partisë Demokratike, Gazment Bardhi ka dorëzuar në Prokurorinë e Posaçme Antikorrupsion (SPAK) kallëzimin penal për koncesionin e check up-it. Duke e konsideruar atë si një nga vendimet më korruptive të qeverisë Rama, Partia Demokratike ka kallëzuar në SPAK ish-ministrin e Shëndetësisë Ilir Beqaj, ministren aktuale të Shëndetësisë Ogerta Manstirliu, Altin Fanin, Vilma Nushin, sipas selisë blu, aksionere e kompanisë përfituese të check up-it, Rudina Degjonin dhe Astrit Becin. PD-ja ka ngritur 7 akuzave kundër tyre, nga korrupsioni aktiv dhe pasiv, shpërdorimi i detyrës deri tek përfitimi i paligjshëm
Të kallëzuarit nga PD
Ilir Beqaj ish-ministër i Shëndetësisë
Ogerta Manastirliu ministre e Shëndetësisë
Altin Fani administrator i shoqërisë 3P Life Logistic
Vilma Nushi, administratore e aksionere e M&D shpk dhe shoqërisë Trimed
Rudina Degjoni drejtoreshë e Përgjithshme e FSKDSH
Astrit Beci ish-drejtor i Përgjithsëm i FSKDH
Antarët e KVO që kanë shpallur fitues bashkimin e operatorëve M&D sh.p.k. dhe Trimed sh.p.k.
Administrator i Kontratës Konçesionare i përcaktuar nga Autotriiteti (Ministria e Shëndetësisë)
Në kallëzimin e depozituar në SPAK, PD-ja thekson se ka paraqitur me prova dhe fakte shkeljen e ligjit, në dy faza, në procedurën e dhënies në koncesion dhe përzgjedhjes së fituesit, si dhe në periudhën e zbatimit të kontratës. Në kallëzim, sipas selisë blu evidentohet se ministria e Shëndetësisë ka shkelur procedurat ligjore për shpalljen e fituesit dhe lidhjen e kontratës, si dhe ka shpallur fitues ofertuesin me çmimin më të lartë, duke sjellë dëm të lartë financiar për Buxhetin e Fondit të Sigurimit të Detyrueshëm Shëndetësor.
“Sipas provave të administruara rezulton se Ministria e Shëndetësisë, ka pasur ngut të pashpjegueshëm për të përfunduar, në mënyrën e parapërcaktuar, këtë procedurë koncesionare. Ajo ka prezumuar mungesën e ankimit nga operatorët e tjerë, fakt ky që provon se e gjithë procedura koncesionare ka qenë fiktive dhe fituesi ishte paracaktuar” – thuhet në kallëzimin e firmosur nga Sekretari i Përgjithshëm i PD Gazment Bardhi.
Në kallëzimin e dorëzuar prej Partisë Demokratike akuzohet gjithashtu se funksionarët publikë nuk kanë ushtruar kontrolle apo kanë lejuar vazhdimin e shkeljeve të kontratës, duke i sjellë një dëm të jashtëzakonshëm qytetarëve shqiptarë dhe financave të shtetit. “Kjo nuk kryhet vetëm si pasojë e paaftësisë, por ka në bazë një interes financiar dhe ekonomik, që i detyron të mos kryejnë detyrën funskionale dhe duke lejuar shkeljet e jashtëzakonshme të kontratës”-thuhet në kallëzimin e Partisë Demokratike.
Sipas PD-së, të gjitha shkeljet e kryera kanë sjellë dëm ekonomik për Buxhetin e Shtetit, dhe se është provuar shkelje e barazisë në tëndera, si dhe cenimi i interesit publik, duke pasur parasysh cilësinë e shërbimit dhe marrëdhënien financiare ndërmjet fituesit dhe Fondit të Sigurimeve Shëndetësore. Koncesioni është firmosur në mandatin e parë të qeverisë Rama dhe është nga më të sulmuarit nga opozita.
Ilir Beqaj, Ogerta Manstirliu, Astrit Beci dhe Vilma Nushi
.jpg)
.jpg)
Kallezimi i PD-se per koncesionin e check up-it
//ReportTv.alKomente
Keta te partise se Luljeta Berishes e kane kap vetem me Vilma Nushin dhe asnjehere deri me sot nuk jane ndjere per koncensionin e sterilizimit ku sipas mediave vjedhja eshte kolosale. Sic duket Beqir Sani ja ka mbush mire xhepin familjes B.ndryshe nga Vilma qe nuk ju ka dhene asnje kacidhe.
Përgjigjuvilma nushi eshte moster. cdo gje e foton me te padrejte
Gjith shqiperia e di te majt e te djadht qe vilma eshte hajdute e vertet si e zeza ne te bardh e verteta .. nga hundet do ti dali hajdutes..