TIRANE-Ish-deputetja demokrate Albana Vokshi akuzon qeverinë se nuk po zbaton kërkesat e Organizatës Botërore të Shëndetësisë për rritjen testimeve të personave të dyshuar. Vokshi thotë Edi Rama po ndjek një taktikë të gabuar duke kontribuar në përhapjen e virusit në një numër më të lartë qytetesh të vendit. "Duke mos i testuar, duke mos i gjurmuar rastet e dyshuara, trajtimi dhe izolimi i virusit është bërë më i vështirë" thotë ish-deputetja.
Postimi i plotë i Albana Vokshit
Organizata Botërore e Shëndetësise (OBSH) përsëriti thirrjen që Qeveritë të testojnë sa më shumë persona të dyshuar.
testoni
gjurmoni
trajtoni
izoloni
OBSH thotë se kjo është mënyra e vetme për të ulur trendin e frikshëm të përhapjes së virusit COVID 19 në vende të ndryshme të botës.
Fatkeqësisht, qeveria shqiptare nuk po i zbaton kërkesat e OBSH.
Cila është situata në Shqipëri?
Javën e fundit rastet e të prekurve janë rritur ndjeshëm por jo numri i testeve.
E enjte: 32 teste, 5 raste
E premte: 35 teste, 6 raste
E shtunë: 46 teste, 6 raste
E diel: 33 teste, 13 raste
E hënë: 45 teste, 15 raste
E martë: 74 teste, 19 raste
E mërkurë: 111 teste, 23 raste
Edi Rama po ndjek një taktikë të gabuar, duke kontribuar në përhapjen e virusit në një numër më të lartë qytetesh të vendit. Duke mos i testuar, duke mos i gjurmuar rastet e dyshuara, trajtimi dhe izolimi i virusit është bërë më i vështirë. Pjesa më e madhe e personave të infektuar kanë shkuar në spital në gjendje kritike shëndetësore dhe në rrezik për jetën.