Që prej nisjes së vitit të ri shkollor si edhe më parë, PD ka denoncuar se nuk po merren masat e nevojshme për të përballuar situatën e krijuar për shkak të koronavirusit. Ata thonë se nuk ka transparencë nga ana e autoriteteve shqiptare mbi shifrat e të infektuarve në radhët e mësuesve.
Eksperti i arsimit pranë PD-së, Ndriçim Mehmeti zbuloi në një intervistë për Report Tv denoncimin e radhës i cili ka të bëjë me një shkollë në Lezhë ku sipas tij mësimi do të kalojë online.
Mehmeti thotë se ndërkohë që mësuesit dhe drejtorët e shkollës u thonë nxënësve që mësimi do të zhvillohet online, ata qëndrojnë në ambientet e shkollës duke ngrënë dhe duke pirë. Ai thotë se do të depozitojë një padi ditën e nesërme.
"Unë nuk pres ndonjë gjë nga Kushi pasi ajo nuk mund të bëj asgjë për të përmirësuar ato se çfarë kanë lënë 2 të tjerat përpara. Unë po përgatis një denoncim që në një shkollë në Lezhë mësimi po kalon online. Ndërsa mësuesit dhe drejtorë hanë dhe pinë në shkollën e Lezhës ndërkohë që u thonë nxënësve që të zhvillojnë mësim online. I kam të dokumentuara" - tha Mehmeti.
E.M.//ReportTv.al