I krijuar prej 1 shekulli, pazari i Milotit ka mbetur pas kohë....
Qindra banorë nga fshatrat e Veriut mblidhen çdo të dielë për të tregtuar bagëtitë, lopët e derrat në tregun e improvizuar poshtë urës që lidh qytezën e Milotit me Rrugën e Kombit.
Kafshë e shpendë shiten kryesisht të gjalla, por ka raste kur theren për mish jashtë çdo standarti të sigurisë ushqimore.
Përpos mishit këtu shiten djathi, ullinjte, frutat e perimet. Për blerësit, bashkia e Kurbinit duhet të ndërtojë me urgjencë një treg të mirëfilltë, ku të sigurohet higjiena.
“Kështu ka qenë Miloti gjithmonë, por treg i pastër nuk është. Kushtet janë të këqija, tek bulmeti e mishi”, u shpreh një qytetar.
“Po ta shohësh pazarin e Milotit është një skëterrë, masakër. Produktet blegtorale e bujqësore shiten jashtë kushteve higjienike”, tha një tjetër banor i zonës.
Është si në kohën e Turqisë. S’ka kulturë tregtie këtu. Është rrezik me plas epidemia se çdo produkt është në tokë”, tha një tjetër qytetar.
AKU dhe institucionet e tjera lokale në bashkinë e Kurbinit dhe Prefekturën e Lezhës prej vitesh kanë lejuar tregtinë e paligjshme në Milot, në dëm të shëndetit të konsumatorëve.
G.MO//ReportTv.al