Pastiçe me djathë dhe beshamel nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

5 Janar, 11:26| Përditesimi: 5 Janar, 11:28

  • Share

Pastiçe me djathë dhe beshamel

Përbërësit:

  • 1 pako makarona
  • 3-4 vezë
  • 1 litër qumësht
  • 200 gr djathë i bardhë
  • 2 lgj vaj ulliri
  • Gjalpë i freskët
  • Kripë

Për beshamelin:

  • 2 lgj miell
  • 50 gr gjalpë
  • 400 ml qumësht
  • Kripë, arrëmoskat
  • Djathë kaçkavall

Përgatitja:

Vendosim makaronat në ujë të bollshëm me kripë të ziejnë 2-3 minuta më pak nga minutazhi i shkruar në paketim. Ndërkohë përgatisim beshamelin duke kaurdisur miellin me gjalpin, e shuajmë më pas me qumësht duke e trazuar derisa të lidhet. E largojmë, rregullojmë shijen me kripë dhe arrëmoskat. Rrahim vezët, shtojmë pak vaj ulliri, qumështin, djathin e bardhë dhe kripën.

Lyejmë tepsinë ose tavën me gjalpë, kullojmë makaronat dhe i nivelojmë në të gjithë sipërfaqen. Hedhim mbi makarona qumështin me vezë dhe djathë dhe më pas beshamelin. E spërkatim në fund me djathë kaçkavall dhe e vendosim në furrë në temperaturën 200 gradë Celsius, për 25 minuta.

MC/ReportTv.al
Komento
  • Sondazhi i ditës:

    Si i vlerësoni protestat e dhunshme të Rithemelimit tek Bashkia?