Raportuesja për Kosovën në Parlamentin Evropian, Viola von Cramon, ka reaguar lidhur me vizitën e presidentes së Komisionit Evropian, Ursula von der Leyen në Kosovë dhe Serbi gjatë turit ballkanik.
Von Cramon shkruan në një postim në platdormën X (ish-Twitter) se i mirëpret deklarat e qarta të presidentes së KE-së mbi dialogun Kosovë-Serbi, Ajo ka shtuar më tej se do të ishte mirë që të njëjtën qartësi ta kishte edhe për mangësitë e Serbisë në sundim të ligjit e demokraci.
Sipas saj, duhet një Serbi demokratike dhe jo qetësim i mëtejshëm i presidentit serb, Aleksandër Vuçiç.
“Unë e mirëpres qartësinë nga Von Der Leyen mbi marrëdhëniet Serbi-Kosovë. Megjithatë, do të ishte mirë që e njëjta qartësi të ishte për: mangësitë e Serbisë në sundimin e ligjit, lirinë e medias dhe demokracinë. Na duhet një Serbi demokratike, jo qetësim i mëtejshëm i Vuçiçit”, shkroi Cramon.
Presidentja e Komisionit Evropian, Ursula von der Leyen ka qëndruar për vizitë në Kosovë e Serbi gjatë një turneu ballkanik, ku ka kërkuar themelimin e Asociacionit nga ana e Kosovës dhe njohjen “de-facto” të Kosovës nga Serbia. Ajo ka vizituar deri më tani edhe Malin e Zi dhe Maqedoninë dhe do të vizitojë edhe Bosnje-Hercegovinën.
I welcome the clarity from @vonderleyen on ???????? relations with ????????.
— Viola von Cramon ???????????????? (@ViolavonCramon) November 1, 2023
Yet, would be good that the same clarity was re: ????????’s shortcomings in RoL, media freedom and democracy.
Call a spade a spade - we need democratic Serbia, not further appeasement of Vučić.https://t.co/IvVU0m15wG
S.S/ReportTv.al
