TIRANE- Menjëherë pas vendimit të Autoritetit të Konkurrencës, që iu kërkoi tre kompanive celulare që të pezullonin rritjen e çmimeve për paketat jo më vonë se 5 ditë nga njoftimi i këtij vendimi, tre kompanitë i janë bindur urdhrit. Konkurrenca ka njoftuar ditën e sotme se Vodafone Albania, Telekom Albania dhe Albtelecom kanë ulur me 200 lekë paketat standarde, duke iu rikthyer çmimeve, që kishin më përpara.
Kjo masë e përkohshme do të jetë në fuqi deri në përfundim të procedurës hetimore nga Autoriteti për tregun e shërbimeve celulare, që është 31 marsi 2020. Vendimi i Konkurrencës erdhi menjëherë pas ankesave të qytetarëve të cilët denoncuan faktin se kompanitë celulare në mënyrë të unifikuar rritën çmimet e shërbimeve të tyre.
Me vendimin e datës 14 shkurt Konkurrenca bëri me dije se në rast të moszbatimit të vendimit për masa të përkohshme të pezullimit, kompanitë e lartpërmendura do të ndëshkohen me gjobë deri në 10 % të xhiros vjetore për shkelje të rëndë të konkurrencës.
Komente
Ulje leshi për çar ulje çmimesh behet fjalë së iPhone 11 me 250 GB kushton 1600 euro
Përgjigju