Papa Françesku ka dalë nga spitali Gemelli në Romë, ku ishte i shtruar që prej 7 qershorit 2023 pasi iu nënshtrua një operacioni kirurgjikal në bark.
Teksa dilte nga hyrja kryesore e spitalit, stafi i mjekëve, gazetarë dhe besimtarë ishin mbledhur që në orët e para të mëngjesit për të parë dhe përshëndetur Papën.
Me duartrokitje dhe lutje për shëndetin e tij Papa njoftoi të pranishmit dhe mediat se është mirë.
Ai nuk harroi gjithashtu të falënderojë gazetarët, të cilët e shoqëruan teksa karrocën e tij me rrota përshkonte rrugën në dalje të spitalit.
Sipas mediave italiane Papa pritet të kthehet në rezidencën e tij në Casa Santa Marta për tu shëruar plotësisht.
Papa Françesku prej afro 10 ditësh ka qëndruar në spitalin Gemelli të Romës pasi iu nënshtrua një operacioni abdominal të mërkurën e kaluar.
Kirurgu, mi cili operoi Papën, u tha gazetarëve se gjendja e Papës është e qëndrueshme dhe së shpejti ai do të jetë në formë të përballojë të gjitha angazhimet apo udhëtimet.
M.T//ReportTv.al